Во главниот град на Украина вечева се одржа второто полуфинале на 62 издание на Евровизија. Настапија 18 држави, а пласман во финалето обезбедија претставниците на Бугарија, Белорусија, Хрватска, Унгарија, Данска, Израел, Романија, Норвешка, Холандија и Австрија. Србија и Македонија не влегоа во финалната вечер.
Втората полуфинална вечер ја отвори претставничката на Србија Тијана Богичевиќ со песната “In Too Deep”.
Македонија ја претставуваше Јана Бурчевска со песната “Dance Alone”. Пред настапот по пат на разгледница објави дека е трудна.
Од земјите од регионот вечерва настапи и Хрватска со песната “My Friend” а ја претставуваше Жак Хоудек. На својата држава и осигура влез во големото финале.
Вечерва настапија претставниците на Србија, Австрија, Македонија, Малта, Романија, Холандија, Унгарија, Данска, Ирска, Сан Марино, Хрватска, Норвешка, Швајцарија, Белорусија, Литванија, Естонија и Израел.
Босна и Херцеговина оваа година не учествува на Евровизија поради финансиски проблеми. Од истата причина Б и Х не се натпреваруваше за најдобра песна на Европа во 2013 и 2014 година. Финалната вечер на Евровизија ќе се одржи за два дена во сабота на 13 мај.