Федералната печатница во Берлин, која произведува банкноти и лични карти, користела фиктивнљ компанија во Панама, за да прави бизнис со клиенти во Венецуела, јавува неделникот “Шпигел”, пренесува ДПА.

Според изданието внатрешен човек од компанијата, кој се сомневал дека се води двојно сметководство, пишувал до Шојбле и до еден од членовите на надзорниот совет – Вернер Гатцер, со барање да биде фрлена светлина врз офшор сметките, но неколку години сигналот му бил игнориран .

Сега сепак името на компанијата се појавува во т. Н. “Панамски документи” и германската влада е под притисок да даде објаснување. Сепак Министерството за финансии одби и денес коментар за изнесеното од “Шпигел”, посочува ДПА.

Изданието пишува дека споменатиот внатрешен човек се поврзал со надзорниот одбор во 2012 и 2013 година, за да сигнализира за случаи на лажни трансакции и даночни измами. Но сигналот му бил игнориран и адвокат на компанијата го предупредил да не бара повеќе контакти со совети. Потоа неколку истраги – и домашни и надворешни, не пронашле докази за нелегални активности.

Според “Шпигел”, сепак по откритието во “панамскит документи” е започната нова истрага на бизнис врските на компанијата со Венецуела.