Светот е толку разнобоен, шарен и интересен што дури и човек да можеше да патува постојано во текот на целиот свој живот, тој немаше да може да го види секое место и да допре до секоја култура.
Во Амазонија и во Африка , на пример, сè уште живеат племиња, кои се исклучително изолирани и за кои времето како да застанало, инаетејќи се на глобализацијата и модернизацијата на нашиот свет. Во Монголија пак живеат цаатан или кажано на друг начин – еленскиот народ .
Ова се последните пастири на елени кои живеат во најдалечната субарктична тајга во Монголија . Денес се останати мал број претставници на оваа заедница (бројноста им варира помеѓу 200 и 400 луѓе), што ги прави цаатан исклучителни.
Затоа професорот од Харвард Хамид Сардар-Афками одлучил да го посети еленскиот народ и да го фотографира нивниот уникатен начин на живот .
Луѓето припитомуваат елени , и ги користат за транспорт, млеко, сирење, кожи и друго. Ловот за нив сепак не претставува интерес.
Фото: Hamid Sardar-Afkhami
Не се знае уште колку години цаатан ќе постојат, бидејќи претставниците на оваа заедница , како и стадата елени, опасно се намалуваат . Во моментов главен извор на приходи за еленскиот народ се туристите кои купуваат нивни сувенири или пак јаваат ирваси .
Во нашата галерија може да се допре до мал дел од една друга реалност – секојдневието на цаатан во Монголија.