Утрешната посета на министерот за надворешни работи на Грција, Никос Коѕиас, на земјава, е показател за зголемената политичка комуникација и дел од мерките за градење доверба меѓу Македонија и Грција, изјави денеска шефот на македонската дипломатија, Никола Попоски, пред почетокот на Амбасадорскиот совет, кој ќе се одржува во наредните три дена.
Попоски истакна дека учеството на Коѕиас на состанокот испраќа јасна порака дека Македонија сака да биде фактор за стабилност на регионот.
На прашањето дали спорот за името ќе биде тема на средбата со Коѕиас, Попоски рече дека тоа е малку веројатно.
Во однос на реториката на Атина, која ја обвинува Македонија за иредентизам, Попоски изјави дека нема илузии оти таа ќе престане за неколку недели или месеци. Сепак, тој истакна дека е направен сериозен напредок на терен за продлабочување на соработката во областа на образованитето, економијата и на енергетиката.