(ПРЕНОС ВО ЖИВО) Од започната евакуација на цивилите и бунтовниците во Алепо, дронови го чуваат конвојот

По наредба на Путин војници ги чуваат повредените.
Првиот конвој од луѓе кои имаат потреба од медицинска помош, почна да се повлекува од опустошениот од војната сириски град Алепо. Ова го соопштија набљудувачи, цитирани од “Скај њуз”.
Пациентите ќе бидат преведени преку територијата контролирана од официјалната власт, во регион контролиран од бунтовниците. Тоа е дел од договорот, претходно направен оваа недела.
Во живо патот на конвојот може да се следи тука:

Се очекува околу 200 лица да бидат евакуирани од уништениот град во три автобуса. Тие ќе бидат пренесени до контролираната од бунтовниците територија.

Според Сириската опсерваторија за човекови права, меѓу евакиираните од градот нема борци на бунтовниците. Ал Фарук Абу Бакр, преговарач од страна на опозицијата, увери дека конвојот ќе се состои само од повредени луѓе, нивните придружници и други цивили.

Според него, вооружените борци ќе бидат евакуирани по првиот или вториот конвој. Русија соопшти дека бунтовниците ќе бидат транспортирани со 20 автобуси и 10 амбулантни возила по коридор кон Идлиб. По наредба на претседателот Владимир Путин, војници ќе го придружуваат конвојот од градот.

Москва ги увери дека сириските власти ќе им ја гарантираат безбедноста на бунтовниците и нивните семејства и додаде дека дронове ќе го набљудуваат движењето на конвојот.