Студот зеде уште 61 жртва во Европа. Најмногу од починатите се од Полска. Во земјата 20 лица загинале од премрзнување. Властите соопштуваат дека дел од нив се бездомници, но имало и возрасни, болни луѓе кои останале блокирани во далечните куќи во кои живеат.
Во Србија е прогласена вонредна состојба во 9 општини. Движењето на бродовите во реките Дунав и Сава привремено е прекинато.
Слични мерки се преземени и во Бугарија, Романија и Хрватска. За многу земји како Грција и Албанија снегот е вистинска катастрофа, бидејќи локалните жители не се навикнати да живеат во такви временски услови.
За прв пат по 32 години снег паѓаше во албанскиот туристички град Саранда на брегот на Јонското Море.
Снег вееше и во Атина, каде што голем дел од училиштата беа затворени. Мигранти продолжуваат да се смрзнуваат
Во последните денови во земјата е регистрирана рекордна потрошувачка на струја, а властите соопштија дека енергетските компании се на границата на можностите по создадените сериозни проблеми, поврзани со недостатокот на струја поради студеното време.
Поради ризикот, министерот за енергија Јоргос Статакис повика корисниците да се обидат да штедат струја во часовите од 18.00 до полноќ.
Во врска со ова Грција забрани да се извезува струја за соседни земји, а целта – да пренасочи сета произведена количина за домашна потрошувачка.