Најдобриот тенисер на светот Новак Ѓоковиќ разговараше со Васек Поспишил и Гарбине Мугуруса во подкастот „Tennis united“.
Тројцата разговараа за различни теми, а една од нив беше најисцрпувачкиот натпревар во кариерата, оној кој најмногу ги „исцедил“.
Српскиот тенисер одигра многу дуели кои траеја по пет / шест часа, а во разговор со Канаѓанецот и Шпанката го откри оној што останал во негово сеќавање најмногу.
„Финалето на Австралија опен во 2012 година против Рафа. Игравме пет часа и 53 минути“, рече Ѓоковиќ.
„О Боже мој“, рече Поспишил во позадина.
„Тешко дека некогаш ќе одиграм ваков натпревар повторно во мојата кариера“, истакна најдобриот тенисер на светот.
„За мене, пет минути и 53 секунди е предолго против вас (големи три)“, се пошегува Канаѓанецот.
„Лудо е“, кратко додаде Новак.
Ѓоковиќ и Надал одиграа епски дуел во кој Србинот славеше со резултат – 5:7, 6: 4, 6:2, 6:7 (5), 7:5.
That was a long match 😅 great group chat, thanks #TennisUnited @GarbiMuguruza @VasekPospisil @WTA @atptour pic.twitter.com/Yz8D7swdp9
— Novak Djokovic (@DjokerNole) May 30, 2020