261
За време на последната рунда на тестирање на фудбалери и членови на тимовите во англиската Премиер лига, пронајдени се осум позитивни за коронавирус, објавено е овој понеделник од тоа натпреварување.
Како што се наведува, во периодот од 18 до 24 јануари биле тестирани 2.528 фудбалери и членови на тимот, од кои осум се позитивни и сите се во изолација.
Досега се откажани шест натпревари во Премиер лигата поради пандемијата, последниот на 24 јануари помеѓу Астон Вила и Евертон.
Ова натпреварување побара од фудбалерите да го „променат однесувањето“ по воведувањето на новите правила со цел да се спречи ширењето на инфекцијата.
Од играчите се бара да држат што е можно поголема дистанца за време на натпреварите, особено кога слават голови.