Српскиот фолк пејач Аца Лукас бил приведен на пат кон Копаоник кога полицијата утврдила дека нема возачка дозвола. Тој бил задржан во притвор, а во утринските часови излегол надвор, но се покажало дека е обвинет за друго дело.
Како што дознава „Блиц“, фолкерот паднал на тест за наркотици. Против него ќе биде поднесена прекршочна пријава за возење под дејство на наркотици.
Надлежниот судија за прекршоци може да го приведе и да му изрече „скратена постапка“, веднаш по завршувањето на притворот.
– Лукас падна на тестот. Тој беше приведен во текот на ноќта, а утрово пуштен од притвор. Против пејачот ќе биде поднесена кривична пријава за возење под дејство на наркотици – изјавил извор за „Блиц“.
Лукас бил запрен од сообраќајната полиција и приведен бидејќи немал возачка дозвола, поради претходни прекршоци, а управувал. Тој бил пресретнат од сообраќајни службеници на влезот во Брус и по извршениот тест кој покажал дека е позитивен на недозволени супстанци и дека возел без возачка дозвола, па бил приведен во полициска станица.
Така, пејачот е обвинет по две точки: возење без возачка дозвола и под дејство на недозволени супстанци. Ваквите прекршоци, кои се третираат како тешки сообраќајни прекршоци, во Србија се казнуваат со парична казна до 120.000 динари или 60 дена затвор.