Данела Арсовска, официјално, е независен кандидат за градоначалник на Скопје, со различен број на гласачкото ливче од ДПМНЕ. Правно гледано, немаат ни склучено договор за коалиција, смета лидерот на Левица и пратеник Димитар Апасиев.
Според него, тоа значи дека, по закон, и следува само 3% од буџетот за платено политичко рекламирање (околу 15.000 ЕУР) и само 30 секунди на секој час емитувана програма – како и за сите останати “независни кандидати”.
-Арно ама, она лагано си ги користи 45% од првиот привилегиран пакет на парите кои им следуваат на ДПМНЕ и ААА (цирка, околу милион ЕУР за реклами)!? ДИК, АВМУ и Антикорупциска, ко по обичај, мува не ги лази за овие нерегуларности. Btw, овде има и кривична одговорност за нелегално трошење буџетски пари за друг правен субјект, со друг даночен број – а не за оној кој му следува. Ама, договорот Заев и Мицко не признава закони!