Приврзаниците на бразилскиот претседател во заминување, Жаир Болсонаро, се судрија со полицијата, кога запалија неколку возила и наводно се обиделе да упаднат во седиштето на федералната полиција во главниот град Бразилија, пренесува АП.
„Разбојништвото и обидот за упад во зградата на федералната полиција во Бразилија се неприфатливи“, изјави Флавио Дино, идниот министер за правда и јавна безбедност во владата на новоизбраниот претседател Луис Игнасио Лула да Силва.
Специјалните сили во полна опрема во понеделникот итно беа пренесени во седиштето на Федералната полиција како поддршка, а припадниците на безбедносните сили мораа да употребат шок-бомби и гумени куршуми за да ги растераат демонстрантите, објавија локалните медиуми.
A esquerda deu o ponta pé inicial nessa guerra e as consequências disso só Deus sabe quais serão.
Mantenham – se firmes!
Ou viver a pátria livre ou morrer pelo Brasil.
Que Deus nos ajude ! pic.twitter.com/jf00rNwpgV— Carla Sonza (@kaaah2332) December 13, 2022
Полицијата вчера блокираше неколку булевари и улици ширум Бразилија, демонстрантите на други места запалија најмалку еден автобус и беа видени како подигнуваат метални бариери, пренесе АП.
Откако Болсонаро ги загуби изборите од Да Силва на 30 октомври, неговите поддржувачи организираа протести ширум целата земја.
Надлежното избирачко тело вчера издаде официјална потврда за изборната победа на Лула да Силва на претседателските избори.
Претходно, федералниот изборен суд ја отфрли жалбата на партијата на претседателот во заминување Жаир Болсонаро, која изнесе приговори за регуларноста за време на вториот круг од претседателските избори одржани во октомври.