Се финализираат подготовките на салата „Борис Трајковски“ каде ќе се врши масовна вакцинација.
Вакцинацијата со „Спутник“ според најавите треба да почне во понеделник во спортскиот центар. Планот е дневно да се вакцинираат по 5 илјади лица од МВР, АРМ, медиумски работници, судовите, возачите на автобуси, пожарникарите воспитувачки во градинките и вработените на патарините.
-Подготвени се вкупно 48 позиции за истовремено вакцинирање и капацитет да се вакцинираат околу 5000 граѓани дневно. Согласно планот ќе се работи во две смени од 08:00 до 20:00 часот, соопштија од министерството за здравство.
Во меѓувреме, продолжува масовната вакцинација со „АстраЗенека“ за лица над 77 години. Според официјалните податоци, досега против Ковид-19 се вакцинирале 7.735 лица, додека над 121.000 граѓани искажале заинтересираност.