Играчи за 1.444.000 000 евра ќе спорат за светската титула денес. 46 играчи во Франција и Хрватска беа толку проценети пред почетокот на шампионатот.
Сигурно ова е драматично променето, особено за хрватскиот тим кој стигна до финалето. Претходно беше познато дека Французите се меѓу фаворитите.
Всушност токму Французите се најскапиот тим во Русија, откако играчите на Дидие Дешамп беа проценети на 1,08 милијарди евра пред шампионатот. И тие беа единствените што вредеа над една милијарда. Сите други се под оваа сума.
Значи, едниот од тимовите е речиси три пати поскап од другиот во судирот за титулата. Да бидеме точни – 2,97 пати. Хрватите се десетти на оваа листа, со своите играчи во вкупна вредност од 364 милиони евра.
И сите овие играчи се борат за 38 милиони долари, што е доста мала сума. Ова е премија што ФИФА му ја дава на шампионот на Светското првенство.
Финалистот добива 28 милиони долари. Тимот кој ќе го освои третото место останува со 24 милиони, а оној кој е четврти – со 22.
Сите отпаднати во 1/4-финалето прибираат по 16 милиони, а оние во 1/8-финалето – по 12. Учеството во групната фаза беше проценета на 8 милиони. Одделно, секој тим добива 1,5 милиони за подготовка.
Франција е исто така втор најмлад тим на Светското првенство. Просечната возраст на играчи во тимот е 26,1 години. Најмладиот тим беше на Нигерија со 26 години, но Африканците беа елиминирани уште во групите.
Сепак, хрватската екипа е многу поискусна. Нејзината просечна возраст е 28 години, со играчи со 100 натпревари во националниот тим. Ова им го носи 10-то место на Светското од сите тимови. Двете екипи се потпираат на играчи кои не се од локалниот шампионат. За Франција, 69,6% од играчите играат надвор, а во Хрватска процентот е 91,3%.