Во името на заштитата на правдата ги повикуваме сите пратеници, од сите парламентарни партии, пред се пратениците од ВМРО-ДПМНЕ, да го поддржат барањето на СДСМ за автентично толкување на членот 11 од Законот за помилување, порача пратеничката Снежана Калеска –Ванчева.
„Најважно во овој момент е да се затвори нелегалната аболиција на Иванов и да се обезбеди одговорност пред законите на сите оние коишто ги прекршиле. Наместо да се занимава со несериозни и неиздржани предлози, Христијан Мицкоски треба да ги повика пратениците од ВМРО-ДПМНЕ да го поддржат барањето на СДСМ. Затоа Мицкоски прво нека ги повика пратениците на ВМРО-ДПМНЕ да гласаат за Барањето, а потоа може да се дискутира и за други предлози“, истакна Калеска –Ванчева.
Според неа, последните скандалозни случувања во правосудството јасно покажуваат дека и зад најавите од Уставниот суд, стојат структури на ВМРО-ДПМНЕ.
„Уште еднаш се докажа дека Мицкоски работи исклучиво во корист на неговиот ментор од Будимпешта и фамилијата. СДСМ се бори за правдата да биде задоволена, нема да дозволиме амнестии, нема да дозволиме остатоците од режимот и инсталациите од сваровски судството да ја попречат правдата. Граѓаните очекуваат правда и правда мора да има“, додаде Калеска –Ванчева.