Овој чекор претставува добра вест за светот, но лоша вест за глобалните извозници на нафта.
Кина во моментов е најголемиот увозник на нафта во светот. Сепак, прогнозите велат дека побарувачката за овој извор на енергија во втората најнаселена земја во светот ќе почне да се намалува, што е добра вест за светот, но лоша за земји како Саудиска Арабија.
Во споредба со минатата година, продажбата на автомобили со мотори со внатрешно согорување забележа пад во Кина, додека продажбата на електрични возила значително скокна.
„Половина од вкупната флота во Кина би можела да биде електрична до 2030 година“, рече Лорд Адаир Тарнер, претседател на глобалната комисија за транзиција на енергијата. „Ако направиме математика, тоа би можело да биде минус неколку милиони барели нафта дневно“.
Кина, исто така, инвестира во огромни соларни фарми и други извори на енергија кои не загадуваат. Земјата е на пат да достигне 1.200 гигавати ветерна и сончева енергија до 2025 година, во споредба со 240 гигавати инсталирани во САД од почетокот на зелената ера. Кинеските инвестиции во обновливи извори на енергија значат помала потреба од мазут и електрани на јаглен.
Поради овие промени, се предвидува дека Кина наскоро ќе има многу помала потреба од увоз на нафта. Во моментов таа количина е 10,8 милиони барели дневно, што е 19 отсто од светската побарувачка за сурова нафта, покажуваат податоците на OilPrice.com. Сепак, според аналитичарите на Goldman Sachs, „напредокот на Кина во обновливите извори на енергија треба да придонесе за 10 отсто намалување на увозот на енергија до 2030 година“. Тие, исто така, проценуваат дека Кина би можела да го намали својот увоз на енергија на половина до почетокот на 2040-тите. За земјите од ОПЕК, вклучително и Саудиска Арабија, намалената побарувачка за нафта значи и помал профит. Во обид да ги одржи високите цени на нафтата, ОПЕК неодамна објави дека ќе произведува помалку од оваа енергија, што беше критикувано од администрацијата на Бајден.
Во меѓувреме, помалку согорување нафта носи добри вести за остатокот од светот. Не само што цените ќе почнат да паѓаат и покрај отпорот на ОПЕК, туку помалку автомобили со SUS мотори и помалку електрани на фосилни горива ќе значат помалку стакленички гасови во атмосферата, што треба да даде значителен придонес во борбата против климатските промени.
„Што и да кажат јавно, Саудијците знаат дека играта е завршена“, рече Кингсмил Бонд од фирмата за енергетска стратегија RMI. „Тие гледаат дека најголемиот светски пазар за бензински автомобили ќе пропадне.