Скопје еднострано ја прекинува работата на европскиот Коридор 8, кој ја поврзува Софија со главниот град на Република Северна Македонија, рече во програмата „Брисел 1“ пратеникот на ВМРО и доцент, проф. Милен Михов. Тој го цитираше вицепремиерот Каракачанов,дека членови на кабинетот во Скопје наводно рекле дека Коридорот 8 ќе го зголеми влијанието на Бугарија и ја гледа меѓународната транспортна врска како закана.
„Софија и Скопје се единствените европски метрополи меѓу кои нема железничка врска. И ние зборуваме за европски пазар, за слободно движење на стоки, луѓе, капитал и услуги“, рече пратеникот на ВМРО, проф.д-р Милен Михов.
„Многу луѓе во Бугарија не обрнаа внимание, но ова беше првото нешто што Скопје официјално го кажа откако пред месец и половина стана јасно за цврстата позиција на Бугарија, дека ќе престане да се гради или да работи на Коридорот 8. Деновиве г-ѓа Захариева изјавува дека проблемот не е финансиски. Обезбедени се европски средства, но во пракса Скопје еднострано престана да работи на овој проект, кој е финансиран од Европа“, додаде Михов.
„Ова значи дека елитата во Скопје ја смета економската, комуникациска врска со Бугарија како закана. Прашувам, дали е ова манифестација на добрососедство, пријателство, братство и исполнување на договорот? Одговорот е: дефинитивно „не“, рече пратеникот од редовите на ВМРО.