Нова студија укажа на тоа кај кои пациенти имаат зголемен ризик од смрт и се покажа дека една ситница прави разлика помеѓу живот и смрт.
Пациентите заразени со коронавирус, кај кои доаѓа и до најмал пад на сатурација се соочуваат со многу поголем ризик од смртен исход. Ова е во спротивност со сегашните упатства на Националната здравствена служба, која смета дека пациентот е во добра состојба ако неговото ниво на сатурација е помеѓу 94 и 98 проценти.
Сепак, истражувањето спроведено на над 1.000 пациенти со Ковид во болниците покажало дека дури и најблагиот пад, како на пример, сатурација од 96 проценти, е тесно поврзана со висок ризик од смрт.
Научниците на тој начин ја предупредуваат NHS дека сегашниот систем не е доволно чувствителен и дека најверојатно ќе се пропуштат многу можности за спасување човечки животи.
Научниците дури ги советувале Британците да имаат оксиметар во домот и да ја следат нивната сатурација.
„Дури и пациентите со сатурација од 94-95 проценти, што според сегашните стандарди се смета за нормална, имаат значително зголемена смртност, 5,3 проценти во однос на пациентите чија сатурација била поголема од 95 проценти“, се наведува во научниот труд.