За десет години Хрватска ќе ги стигне земјите од ЕУ кои беа примени во Унијата пред неа, изјави во понеделникот премиерот на земјата, Андреј Пленковиќ.
Учествуваше на меѓународната конференција „Следната деценија на европската интеграција“, која е во организација на Правниот факултет во Загреб, а се одржува во Загреб во соработка со Претставништвото на Европската комисија во Хрватска.
Поводот е претстојната десетгодишнина од членството на Хрватска во ЕУ. Пленковиќ рече дека хрватскиот процес за пристапување во ЕУ бил многу потежок отколку што тоа го перцепира дел од јавноста.
Премиерот рече дека од почетокот на милениумот, Хрватска е во процес на фаќање чекор со оние членки кои го започнаа процесот на интеграција на крајот на 1980-тите.
„На крајот на следните десет години Хрватска ќе успее во тоа, а општеството ќе сфати до каде стигнало“, заклучи Пленковиќ.