Пожарите во Италија однесоа уште двa живота: „Огнот ја опколи куќата за неколку минути“

Двајца пензионери ги загубија животите во средата во пожарите што продолжуваат да ја опустошуваат Италија, јавуваат медиумите.

Еден маж загина во својот дом во селото Гротериа во јужниот италијански регион Калабрија, објави во средата новинската агенција АНСА.

За само неколку минути, пожар ја опколи куќата и го зароби внатре, пренесува АНСА.

„Уште една жртва од пожар“, напиша локалниот градоначалник на Калабрија, Џузепе Фалкомата на својот профил на Фејсбук.

Уште еден маж загина кога пожар со голема брзина го опустоши неговиот имот во Кардето, објави АНСА.

Калабрија во моментов е најтешко погодениот италијански регион, а нејзината влада одлучи во средата вечерта да побара од Рим да прогласи вонредна состојба.