Шојгу: Русија ќе ја оддалечува заканата од границите во зависност од видот на оружје на Киев

Колку Русија ќе биде принудена да ја турка западната закана подалеку од своите граници, ќе зависи од тоа каков вид на оружје ќе ѝ биде доставен на Украина, изјави денеска рускиот министер за одбрана Сергеј Шојгу.

„Тоа ќе зависи од оружјето што ќе му биде дадено на Киев“, изјави Шојгу во програмата „Москва. Кремљ. Путин“ на телевизијата „Русија 1“, пренесе „Спутник“.

Рускиот претседател Владимир Путин изјави, за време на неговото обраќање пред Федералното собрание на 21 февруари, дека испораката на западни системи со долг дострел во Украина ќе ја принуди Русија да ја оддалечи заканата подалеку од своите граници.