Магазинот „Variety“ објави дека пред контроверзниот шамар на Крис Рок, Вил Смит секогаш бил рангиран меѓу најпопуларните ѕвезди, како Том Хенкс и Дензел Вашингтон.
„Пред доделувањето на Оскарите, Смит редовно беше меѓу првите пет или десет најпозитивно оценети актери, врз основа на анкетите спроведени секој јануари и јули од страна на Q Scores на 1.800 Американци на возраст од шест години и постари“, рече извршниот потпретседател на Q Scores, Хенри Шафер за „Variety“.
Исто така, неговата негативна оцена сега е многу покачена, поточно од 10 на 26. Просечната негативна оцена Q, според Шафер, е околу 16 или 17.
Ниту неговата сопруга Џејда не помина многу подобро. И онака нискиот рејтинг од 13 падна на 6. Од друга страна, негативниот рејтинг ѝ скокна од 29 на 44.
За разлика од нив, Крис Рок остана на сличен рејтинг, поточно 14.