Шестгодишно момче загина, а седум лица се повредени кога денеска автомобил влетал во група луѓе на автобуска постојка на периферијата на Ерусалим, јави израелското воено радио, повикувајќи се на медицински работници на местото на настанот.
Израелската полиција соопшти дека се работи за намерно влетување со автомобил, чиј возач загинал во нападот.
Terror attack in Jerusalem where a Palestinian rammed his car into a bus stop, injuring at least six including children. pic.twitter.com/JNEJQDL7YV
— Emily Schrader – אמילי שריידר امیلی شریدر (@emilykschrader) February 10, 2023
Претходно, израелската служба за итни случаи соопшти дека во нападот биле повредени шест лица, меѓу кои две деца, пренесува „Ројтерс“.
На снимките објавени на социјалните мрежи се гледа како син автомобил удира во столб пред автобуска станица во Ерусалим.
Инцидентот се случува во време на високи тензии по нападот во кој палестински напаѓач застрела седум лица пред синагога минатиот месец.