Бугарската држава е категорична – или го исполнувате договорот или нема да ви дозволиме да го направите првиот чекор. Ова за БНТ го коментираше проф. Кирил Топалов, предавач на универзитетот во Софија и член на заедничката историска комисија за односите меѓу Скопје и Софија.
„Нашата позиција е изразена многу пати – со ваков тон кон Бугарија, со непроменото непријателско и агресивно непријателство, кое трае повеќе од 70 години, како би можеле да се согласиме? Ова е нашиот најблизок сосед, роднина, им помагавме апсолутно со сè цело време – и како тие ни враќаат?“, праша тој реторички.
Во врска со критиките од Брисел за неодобрување на почетокот на преговорите за пристапување на Северна Македонија во ЕУ, проф. Топалов коментира: „Европа има толку сериозни проблеми – да ги земе Унгарија и Полска, а КОВИД? Бугарија го започна овој процес на приклучување на Западен Балкан и како ни се враќа – подготвени, неподготвени, примајте не“.
Според него, Северна Македонија не тргнала чекор напред. Во неа дејствувале „механизмите на комунистичка Југославија на Тито“.
„Дали Европа сака таква држава? Покрај фактот дека е тотално непријателски настроена кон соседот“, категоричен е проф. Топалов.