ВИДЕО: Конвој од 500 возила од Франција пристигна во Брисел на протест против Ковид

од Берта Китинска

Околу 500 автомобили и комбиња, главно од Франција, пристигнаа денеска во конвој во предградијата на Брисел, во знак на протест против ограничувањата воведени за да се спречи ширењето на корона вирусот, изјави градоначалникот на Брисел, Филип Клоуз. Возилата не смееле да влезат во градот, објави Ројтерс.

Полицијата ги упати до паркинг на периферијата на Брисел, од каде демонстрантите продолжија пеш до плоштадот во центарот на градот и блокот во кој се наоѓаат институциите на Европската унија.

Репортерите известуваат дека виделе околу 150 до 200 демонстранти во центарот на градот и сличен број во населбата каде што се наоѓаат институциите на ЕУ.

Градоначалникот на Брисел за белгиската телевизија LN24 изјави дека протестот, инспириран од демонстрантите од „Конвојот на слободата“ кој со камион ја презеде канадската престолнина Отава, нема дозвола од бриселските власти, нема лидери и не поставува никакви барања, јави Танјуг.

Слични содржини