Поминаа неколку дена од големите нереди во Атина во кои учествуваа „Бед Блу Бојс“, навивачите на Панатинаикос и членови на навивачката група на АЕК. Голем број хулигани кои учествуваа во масовната тепачка на улиците на Атина се во затвор, а денеска е закажано сослушување и изведување пред суд на навивачите на Динамо Загреб.
Чешката веб-страница „Hooligans.cz“ која ги следи нередите и пресметките на навивачите ширум светот, објави нова снимка од Атина. На неа се гледа група навивачи на АЕК кои прво стојат и чекаат, а потоа бегаат пред да бидат нападнати од навивачите на Динамо и Панатинаикос. Постои сомневање дека тројца Грци биле организатори на овие нереди.
За прикажаните сцени се знае дека се снимени од камерите лоцирани пред стадионот на АЕК во населбата Неа Филаделфија.
07.08.2023, AEK Athens🇬🇷 vs BBB (Dinamo Zagreb🇭🇷), video from front of AEK stadium https://t.co/Fjy3xrlEmQ pic.twitter.com/cFjQt96uJw
— Hooligans.cz Official (@hooliganscz1999) August 11, 2023
Грчките медиуми пишуваат дека полицијата издвоила пет главни осомничени за убиството на Михалис Кацурис. Меѓу нив, наводно, има еден Хрват, еден Албанец и тројца Грци. Грчкиот портал „Newsit“ пишува дека кај Хрватот и Албанецот во моментот на апсење биле пронајдени ножеви со крв на нив.