Заев: Започнува чистењето на линданот од малата депонија во ОХИС!

На последната седница донесовме Решение за одобрување на план за ремедијација на локацијата во АД „ОХИС“ – Скопје, коешто е веќе потпишано од страна на министерот за животна средина и просторно планирање, со што ќе можат да започнат активностите за отстранување на линданот и на почвата контаминирана со линдан од малата депонија, сподели премиерот Зоран Заев.

Согласно Планот за ремедијација, продолжува Заев, во постапка е издавање дозволи за извоз на опасниот отпад од страна на МЖСПП – во Франција ќе се извезе линданот, а во Холандија ќе се извезе контаминираната земја под линданот.

„Продолжуваме активно да работиме на заштита на животната средина, со цел граѓаните да живеат здраво во чиста животна околина“, истакна премиерот.