Најсјајните ѕвезди од малите екрани, беа собрани на едно место, за една од најжешките ноќи во Холивуд, во недела вечерта (вчера). Поводот беше 68-годишното доделување на “Еми“ наградите.
Пријанка Чопра, Софија Вергара и Емили Ратајковски ја свртеа секоја глава пристигнувајќи на црвениот тепих, пред зградата на “Microsoft Theater” во Лос Анџелес, во неверојатни црвено, бели и сини тоалети.
25- годишната Емили ја изрази својата тенка, но заоблена фигура во елегантно кралско сина тоалета, во облик на сирена, која што лесно паѓаше на нејзиното тело. Емили му беше партнерка на Зак Посен за вечерта, па нормално таа носеше еден од неговите дизајни.
Моделот, кој што од неодамна почна да се занимава со актерство, ја искомбинира својата тоалета со син молив на очите и висечки обетки, со собрана коса на назад.
Софија пленеше на црвениот тепих во бела Версаче тоалета, припиена за нејзината сладострасна фигура, декорирана со сребрени перли преку стомакот, градите и бутовите.
44- годишната ѕвезда од серијата “Modern family”, ја носеше својата костенлива коса во полу-фатено издание, додавајќи драматично темно- црвен кармин.
Додека пак 34- годишната ѕвездата од серијата “Quantico”, Пријанка Чопра, која што презентираше вечерта, се вртеше за камерите во нејзината скарлетно црвена тоалета, со едно рамо, во комбинација со иста боја кармин.
Ариел Винтер исто така ја вжешти атмосферата со нејзиниот светкаво-сребрен фустан со монистри (“шљокици“) и високи сребрени потпетици.
Останатите изгледи од вечерта, може да ги погледнете во нашата галерија.