Нова трагедија во рок светот: Пејачот на Линкин Парк се обеси

По Крис Корнел, рок музиката се прости со уште една легенда оваа година.

Фронтменот на „Linkin Park“ Честер Бенингтон се самоубил. 41-годишниот музичар се обесил во својот дом во предградие на Лос Анџелес. Детали не се соопштуваат.

Бенингтон долги години страдаше од проблеми со дрогата и алкохолот, забележуваат светските агенции. Според ѕвездениот сајт TMZ, тој кажал дека му минуваат мисли за самоубиство.

Бенингтон е татко на шест деца од два брака.

Linkin Park е основана во 1996 година. Групата е номинирана шест пати за “Греми”, а наградувана двапати. Бандата има седум студиски албуми, од кои се продадени над 70 милиони копии.