114
Земјоделците ќе ги добиваат субвенциите без разлика дали имаат чисти сметки со Управата за јавни приходи. Условот со кој земјоделските стопанства не треба да имаат неплатени даноци и придонеси кон УЈП се одложува. Нивната условеност е одложена и нема да важи за финансиските програми за 2017-та година.
Како услов, земјоделците да ги добијат парите од државата остана само обврската да се плати долгот кон Министерството за земјоделство за закуп на земјоделско земјиште, водарина, пашарина и за јапонската помош.
Доколу обврските не се платени, земјоделците нема да останат без субвенции бидејќи е предвидена и можноста за нивно пребивање со заостанатиот долг.