Според јавувањето на дописникот на МИА не е загрозен националниот парк Пелистер туку запален е шумскиот појас.
Пожарот кој денес избувна на Баба Планина во непосредна близина на врвот Пелистер е се уште активен и се контролира, изјави вечерва за МИА, раководителот на битолската територијална противпожарна единица Костадин Поповски.
Според Поповски попладневниот силен ветер кој и сега дува не дозволил канадерите целосно да го изгаснат пожарот на Баба Планина.
– Пожарот избувна кај месноста „семафорите“, локација од која на една страна се оди кај месноста „антена“, а на другата страна кон Големо Езеро. Интервенцијата на канадерите беше добредојдена, но силниот ветер кој и сега дува не дозволи целосно гаснење на пожарот.
Во моментов и во текот на ноќта 40 пожарникари и припадници од Дирекцијата за спасување во услови на криза се на Пелистер за да ја набљудуваат состојбата, а во раните утрински часови ќе интервенираат два канадери и еден хеликоптер со цел да се изгасни пожарот во кој гореше сува трева, потврди Поповски. Според јавувањето на дописникот на МИА не е заагрозен националниот парк туку запален е шумскиот појас на врвот на Пелистер.