Во пресрет на Велигден исполнети до максимум се сместувачките капацитети на Охридската ривиера, информира ТВ24.

Хотелиерите велат дека во Охрид веќе се бара место плус, а најбројни како и лани ќе бидат гостите од Бугарија и Грција.

„Преполни ни се букинг резервациите, Бугарите резервираа уште минатата среда и тие ни се најмногубројни овој Велигден во нашиот хотел. Очекуваме дека таква ќе ни биде и претстојната туристичка сезона“ – вели Наумче Кордоски, Хотелиер.

На охридското крајбрежје се очекуваат и гости од Албанија и Србија, посебно затоа што оваа година во ист ден се прославува православен и католички Велигден. Цените за аранжманите се непроменети, а велигденските празнувања меѓу профитот кој ќе им го донесат на хотелиерите ќе означат успешен старт на претстојната туристичка сезона.