Еден од шефовите на мафијашката организација Ндрангета беше уапсен вчера, соопшти италијанското внатрешно министерство. Антонио Пеле (54 г.) пет години се криел од правдата. Тој е поврзан со крвавата пресметка меѓу кланови во германскиот град Дујсбург од 2007 година
Пеле е уапсен првиот пат во 2008 година, но три години подоцна избегал од болницата во која бил сместен поради здравствени проблеми.
Додека се криеше, тој е осуден во отсуство на 20 години затвор за различни злосторства, вклучувајќи шверц на дрога.
Полицијата го открила во тајна соба, која се наоѓала меѓу бањата и спалната соба на неговиот син, во семејниот дом негов во Бовалино, блиску до градот Реџо Калабрија, соопшти министерот за внатрешни работи Анџелина Алфано.
Мафијашкиот е бос на криминалната фамилија Пеле – Вотари која од почетокот на 90-тите војува со конкурентскиот клан Нирта – Странџа.
Конфликтот, наречен “вендетата од Сан Лука”, ескалира до т.н. Дујсбургшко колење од 15 август 2007 година, кога шестмина од кланот Пеле – Вотари беа убиени пред пицерија од професионален убиец на Нирта – Странџа.
Се смета дека егзекуцијата била одмазда за убиството на Марија Странџа, извршено на Божиќ во 2006 година од Пеле – Вотари. Осомничениот убиец на жената е Марко Мармо, една од жртвите на “дуксбургшкото колење”.
Италијанската агенција АНСА прецизира дека Пеле го испратил Мармо во Германија, за да обезбеди комбе и снајперист кои требало да бидат искористени за напад врз сопругот на Марија Странџа, Џовани Лука Нирта.