Бројот на деца убиени во Газа за време на израелската воена кампања во изминатите три недели го надмина годишниот број на деца убиени во вооружени конфликти на глобално ниво во секоја од последните четири години, соопшти организацијата Save the Children.
Здравствените власти во енклавата под контрола на Хамас известија дека од 7 октомври досега во Газа се убиени повеќе од 3.000 деца, пишува Си-Ен-Ен.
„Бројките се застрашувачки и бидејќи насилството во Газа моментално не само што продолжува, туку и се шири, многу повеќе деца остануваат во сериозен ризик“, рече Џејсон Ли, директор на Save the Children на окупираната палестинска територија.
Вкупно 2.985 деца биле убиени во 24 земји во 2022 година, што е повеќе од 2.515 претходната година и 2.674 во 2020 година, според годишниот извештај на генералниот секретар на Обединетите нации за децата и вооружените конфликти, цитиран од Save the Children.
Во 2019 година, ОН објавија дека 4.019 деца биле убиени во конфликти ширум светот.
"Here's my brother, right there, please bring him to me"
A Palestinian child pleads with the journalist to reunite him with his younger brother, who was separated from him due to Israeli airstrikes in #Gaza. pic.twitter.com/x4b38TUJd6
— PALESTINE ONLINE 🇵🇸 (@OnlinePalEng) October 30, 2023