Ана Винтур е највлијателната жена во медиумите

Главната уредничка на списанието “Vogue” Ана Винтур е највлијателната жена во медиумите и шоу бизнисот според листа на списанието “Forbes”, цитирана од БиБиСи.

Винтур е и уметнички директор на издавачка куќа. Второто место на листата го зазема Бони Хамер, која управува компанијата NBC universal, а по неа се рангира Стејси Снајдер, извршен директор на ” Twentieth Century Fox “.

Бијонсе е позиционирана на четвртото место. Највисоката петорка е надополнета од главниот уредник на руската телевизија Ер Ту Маргарита Симонијан.

Во првите 15 на листата се и претседателката на Лукасфилм, Кетлин Кенеди, пејачката Тејлор Свифт, писателката Џоан К. Роулинг и актерката Пријанка Чопра.