141
Поради топлотниот удар што зафати неколку региони на Аргентина, едно училиште во градот Росарио донело необична одлука: учениците од пониските одделенија можат да доаѓаат на училиште во костими за капење и да се прскаат со вода за време на одмор, објавија локалните медиуми.
Топлотен бран веќе две недели ја зафаќа провинцијата Буенос Аирес и уште неколку провинции на северот на Аргентина, соборувајќи ги температурните рекорди.
Ова е најжешкото лето од почетокот на мерењата во 1906 година во Буенос Аирес, односно најтопло од 1961 година на ниво на целата земја.