Кандидатката за градоначалник на Скопје Данела Арсовска на нејзината Фејсбук страница сподели дека има и нова веб-страница.
„Ставена е во функција веб страницата www.zaskopje.mk преку којашто можете да се информирате за сите детали поврзани со мојата кампања за градоначалник на Град Скопје, да ме запознаете подобро, да ми поставите прашања и да ми испратите идеи. Посетете ја!“
Ако го проверите доменот www.zaskopje.mk, се гледа дека новата веб-страница е навистина регистрирана на име Данела Арсовска, со адреса „Улица ББ, Скопје, 1000, МК“ и со e-mail [email protected].
Но овие податоци отвораат неколку прашања:
Зошто Данела Арсовска ја регистрирала страницата на непостоечка адреса – „Улица ББ“ – кога ознаките „ББ“ се одамна исфрлени од скопските улици?
Зошто Данела Арсовска користи службени ресурси на Сојуз на стопански комори – дали можеби затоа што веб-страницата е купена со службени пари?
Зошто Данела Арсовска бара од скопјани да и испратат идеи на службениот e-mail Сојуз на стопански комори?