Џорџ Клуни и неговиот деловен партнер Ренди Гербер ја продадоа компанијата за текила “Касамигос” на британскиот алкохолен производител “Диаџео” за 1 милијарда долари. 
Таа беше основана пред 4 години од тројцата пријатели – сопругот на Синди Крофорд Ренди Гербер, бизнисменот Мајкл Мелдман и Џорџ Клуни, кој всушност ја потврди денеска продажбата на алкохолниот бренд.
„Ако нè бевте прашале пред 4 години дали компанијата ќе има приходи од милијарди долари, можевме да одговориме негативно. Така се одразува верувањето на” Диаџео “во нашата фирма и нашата вера во” Диаџео “. Сепак ние не си одиме сосема – ние ќе си останеме дел од “Касамигос”,“ рече денес 56-годишниот актер, кој неодамна стана за првпат татко.
Во последните неколку месеци името на текилата “Касамигос” често се појавуваше во “Инстаграм” профилите на Синди и Ренди. Називот дури и се појави во врска со веста дека Џорџ Клуни и Амал ќе станат родители на близнаци.
Во март Клуни изјави дека одлучил да пристапи со креативност и ѝ предложил на својата жена да ги крстат идните деца на “Касамигос”. Амал меѓутоа, категорично ја одбила таа негова желба. “Жена ми кажа дека не можам да ги крстам Каса и Амигос. Тоа е единственото нешто што ми е забрането”, се пожали тој во интервју за американските медиуми. На крајот сепак ги крсти новородените близнаци Александар и Ела.