Франција од 1 јануари повеќе нема да има субвенции за електрични автомобили од Кина. Француската влада ја завитка оваа регулатива во еколошка амбалажа. За електричните автомобили во Франција субвенцијата е од 5.000 до 7.000 евра. Причината за исклучувањето на кинеските автомобили од стимулативниот систем е фактот што еколошките стандарди се помалку строги во Кина. Така барем тврди француската влада.
Бонусот сега се заснова на количината на емисии на CO2 ослободени за време на производствениот процес и само електрични автомобили со отпечаток на CO2 помал од 14,75 тони ќе бидат во системот. Бидејќи Кина често користи јаглен во производството на (електрични) автомобили, нема субвенции, пишува „ХАК“.
Една жртва на оваа мерка ни е позната – Dacia Spring е меѓу трите најпопуларни електрични автомобили во Франција со 26.951 продадени единици во периодот од јануари до ноември. Но, таа е направена во Кина. Tesla Model 3, Smart #1 и MG4 исто така губат стимулации и тие модели се исто така високо на скалата за продажба на електрични автомобили. Овие возила заедно сочинуваат 26 отсто од продажбата на електрични возила во Франција.
Експертите тврдат дека станува збор за протекционистичка мерка, односно заштита на француската и европската автомобилска индустрија.