Јапонската марка Infiniti во Детроит го претстави прототипот Q Inspiration Concept, автомобил од новата генерација на компанијата.
Прототипот е придвижуван од иновативен турбодвигател со променлива сооднос на компресијата VC-Turbo, опремен е со следната генерација на технологија за автономно возење, како и уникатен ентериер со фокус на практичноста, кој го зајакнува доживувањето при возењето на средните седани, пишува “Монитор”.
Надворешноста на Infiniti Q Inspiration Concept претставува нов чекор во дизајнот на брендот и има расчистени и прецизни линии, во комбинација со динамични и храбри пропорции. Ова е првиот настап на новиот дизајнерски јазик на Infiniti поврзан со ерата на висока моќ агрегати.
Концептуалниот модел се разликува од класичниот седан со изглед кој личи на купе и издолжената силуета. Неговата визија претходно го најавува идниот дизајн на Infiniti за овој сегмент на автомобили.
Внатрешниот дизајн на автомобилот е естетски, прецизен и чист. На овој начин, внатрешноста го опкружува возачот и патниците во релаксирана и пријатна атмосфера. Модерната технологија и занаетчиството се комбинираат во патничкиот простор и ги подобруваат способностите на возачот.
Архитектурата на интелигентно дизајнираниот 4-цилиндричен VC-Turbo мотор им овозможува на дизајнерите на Infiniti да се впуштат во дизајнот на ентериерот и да создадат навистина луксузен и многу простран модел за четири патници.
Протитипът Infiniti Q Inspiration Concept е опремен со револуционерниот 4-цилиндричен турбодвигател со променлива сооднос на компресијата VC-Turbo, кој ја комбинира моќта на бензински агрегат со турбокомпресор со вртежниот момент и ефективноста на хибриден или дизел мотор.
Технологијата VC-Turbo постојано го трансформира и прилагодува соодносот на компресија за да ја оптимизира моќноста и потрошувачката на гориво. Ова ја поддржува интелигентната апликација за подобра контрола. Новиот седан Infiniti Q Inspiration има нови апликации на технологијата VC-Turbo применливи во блиска иднина.
Новите автоматски системи за возење ProPilot го ослободуваат возачот од секојдневните стресни ситуации на патот. ProPilot системите се следниот чекор во автономното возење на Infiniti. Тие му овозможуваат на возачот да ги делегира бараните задачи до возилото и да ја засили неговата способност да реагира на опасностите. Системите ја преземаат улогата на “втор пилот” и му даваат на возачот целосна контрола врз автомобилот.
