Google Wallet продолжува да го проширува својот географски досег со неколку нови земји, главно лоцирани на Балканот. Форумот на Google вели дека Wallet сега е достапен во Албанија, Аргентина, Босна и Херцеговина, Северна Македонија и Црна Гора.
Со дополнителната поддршка, корисниците во овие земји сега можат да преземаат Google Wallet на своите уреди со Android и да вршат бесконтактни плаќања доколку имаат можности за NFC. Во споменатите земји, Google Wallet е поддржан и за Wear OS.
Имајте во предвид дека засега не сите банки во споменатите земји го поддржуваат дигиталниот паричник. Според страницата за поддршка на Google, во Северна Македонија Wallet можат да го користат само клиентите на НЛБ Банка, а во Албанија е поддржан само од ПроКредит Банка.