Италијанската армија најави отворањето на првата стаклена градина за марихуана, која има за цел да ја намали цената на медицинската марихуана во земјата.

Новото претпријатие на армијата беше најавено од Владата во септември минатата година и првата жетва веќе е речиси готова, пишува весникот “Кориере дела сера”.

Растенијата се одгледуваат во прицврстена просторија во воен фармацевтска фабрика во Фиренца, а армијата очекува да произведува околу 100 килограми годишно. Кон стаклена градина има простории за сушење и пакување на производството.

“Целта на оваа операција е медицинската марихуана да се направи достапна за се поголем број на пациенти. Ова е производ кој не секогаш е лесно достапен на пазарот, и ние сакаме да постигнеме многу подобра цена за корисникот”, вели полковник Антонио Медико пред изданието.

Медицинската марихуана се сметаат за корисна во лекувањето на разни болести, особено за хронични болки.

Додека италијанските лекари можат легално да препишуваат медицинска марихуана, цената не е покриена од државата. Таа често е премногу скапа за пациенти што владата сака да промени.

Во моментов медицинската марихуана се увезува од странство – главно од Холандија – и чини до 35 евра за грам. “Ние се стремиме да ја намалиме цената до 15 евра, можеби дури околу 5 евра по грам”, вели полковник Медика. Одгледувањето на канабис останува нелегално во Италија, а продажбата е исто против законот.

Лабораторија на армијата била избрана за проектот, бидејќи таму веќе ги имало потребните капацитети и можеше да се гарантира безбедноста, изјави италијанскиот министер за одбрана Роберта Пино во септември 2014.