Чеченскиот лидер Рамзан Кадиров правеше склекови за време на гостувањето на руска телевизија, а видеото стана вирално на социјалните мрежи.
Видеото на Твитер го сподели американската новинарка Џулија Дејвис, која ги следи руските медиуми за да ја доближи пропагандата на медиумите од Русија до западната публика.
Meanwhile in Russia: Ramzan Kadyrov decided to impress everyone by attempting to do some push-ups.
— Julia Davis (@JuliaDavisNews) December 29, 2022
„Во меѓувреме во Русија, Рамзан Кадиров реши да ги импресионира сите обидувајќи се да направи неколку склекови“, напиша Дејвис покрај видеото.
Во студиото беше и придружбата на Кадиров, која со аплауз ги поздрави неговите склекови.
Инаку, Кадиров е силен поддржувач на руската инвазија на Украина. Тој дури на почетокот на октомври изјави дека ќе ги испрати тројцата негови малолетни синови во војна, а не долго потоа објави видео на кое синовите му носат „подарок“ – тројца украински затвореници.