Кинескиот претседател Си Џинпинг денеска во Пекинг се сретна со унгарскиот премиер Виктор Орбан.
„Ние ве сметаме за пријател. Активно ја поддржавте заедничката изградба на ‘Појас и пат’ и придонесовте за подобрување на квалитетниот развој на соработката“, му рекол Си на Орбан, пренесува „Ксинхуа“.
Си додал дека во последните години, без оглед на промената на меѓународната ситуација, кинеско-унгарските односи се на високо ниво.
#Hungary has long adhered to a friendly policy toward #China, and actively supported jointly building the #BRI, Chinese President Xi Jinping said as he met with Hungarian Prime Minister Viktor Orban on Tuesday in Beijing. pic.twitter.com/6MuspB75kq
— Global Times (@globaltimesnews) October 17, 2023
Тој навел дека Кина е подготвена да го подигне сеопфатното стратешко партнерство меѓу Кина и Унгарија на ново, уште повисоко ниво.
„Унгарија уште од самиот почеток силно ја поддржува иницијативата ‘Појас и пат’ и верува дека оваа иницијатива може да донесе промени во светот и да им користи на повеќе луѓе“, рече Орбан.