Актерката Мерима Исаковиќ остро ја коментираше постапката на Бранислав Лечиќ, кој по полиграфот за време на сослушувањето, во врска со обвинувањата на Даниела Штајнфелд која изјави дека актерот ја силувал, снимил видео и ја известил јавноста дека успешно го поминал истото.
„Слушнав дека Лечиќ испратил бакнеж до камерата, победнички излегол од полиграфскиот тест и се пофалил дека го помин полиграфот. Не знам дали со ова сакаше да ја покаже победничката безмилосност на сопствената неинтелигенција или сакаше да го плукне в лице на нашиот народ, сметајќи нè за неинтелигентни? Нашироко е познато дека најпознатите психопати, бројни убијци на повеќе жртви, го поминале полиграфот“, рекла Мерима.
Исаковиќ навестила дека Лечиќ е личност која нема срам и е без лице.
„Само во рекламните материјали на компаниите што го продаваат полиграфот, пишува дека точноста на полиграфот е околу 90 проценти. Националните биро за научни истражувања ширум светот веруваат дека не постојат научни факти што можат значително да ја поддржат секоја прецизност на полиграфите. Здруженијата на психолози ширум светот, клинички психолози и невропсихолози, не се потпираат на податоците добиени со полиграфот, сметајќи дека нема доволно научни докази дека полиграфскиот тест може точно да открие лага. Тие велат дека полиграфот покажува релативно точни податоци кај луѓе кои сè уште имаат совест и морал, но дека оние што лажат лесно и немаат чувство на емпатија кон жртвите, лесно го измамуваат полиграфот. Оној што нема образ, нема што да се вцрвенува. Тој што не се срами, нема душа, нема од што да доживее болка“, рекла Мерима.
Hvala ljudi! pic.twitter.com/FNTzcNI40P
— Branislav Lečić (@branislav_lecic) March 26, 2021
Да потсетиме, Бранислав Лечиќ неодамна беше обвинет од актерката Даниела Штајнфелд дека ја нападнал пред неколку години додека работела со него на проект.
Даниела изјави дека била силувана кога имала само 21 година, па затоа, како што рече, се преселила во Америка. Актерката претходно во документарецот „Држи ме цврсто“ изјави дека ја силувал моќен човек од српската филмска индустрија, чие име не сакала да го открие.
Денес со слични обвинувања излезе и Мерима Исаковиќ.