Одлуката на Софија да го затвори воздушниот простор за авиони со хуманитарна помош за Сирија  ги поткопува руско-бугарските односи. Ова го изјави заменик-претседателот на рускиот државен збор Леонид Калашников, цитиран од агенциите.

“Од гледна точка на нашите билатерални односи оваа одлука не се вклопува во никакви рамки.Прашањето не е дури и во контрамерките кои Русија  ќе ги прифати против Бугарија, туку дека тоа ги поткопува односите  во иднина, без разлика кога тие ќе се подобрат “, рече пратеникот.” Васалт  го исполнува барањето на својот господар “, рече тој за одлуката на Софија. “САД очигледно се обидуваат да  г и затворат секаде небото за летови кон Блискиот Исток. Некои издржуваат, како Грција, а такви слабички како Бугарите, кои некогаш  ги штитевме од турските освојувачи, не ги паметам како такви баш добро “, додаде законодавецот.

Инаку  Бугарија  го затвори својот воздушен простор поради сомневањата дека авионите превезуваат товар кој не одговара на искажаното. Русија ќе најде соодветен одговор на одлуката на Бугарија да не даде воздушен коридор за прелети на руски авиони со хуманитарен товар за Сирија.Како што за  ТАСС изјави денеска заменик-претседателот на Думата Николај Левичев, член на парламентарната комисија за надворешни работи:

 “Ние ќе го запаметиме овој непријателски потег и ќе му најдеме соодветен одговор”, истакна тој. Според него “раководството на Бугарија со своето решение – од кого и да е  и да е диктирано тоа – се приклучува на кампот на противниците на сегашниот систем на меѓународните односи”. Левичев гледа парадокс во фактот дека “земјите кои  наметнаа санкции, денес се прикажуваат како  единствените чувари на принципите на хуманоста “.”Дамаск им се  спротивстави на радикалите од” Исламска држава “, Москва му испраќа помош, Техеран е подготвен да обезбеди воздушен коридор за целта. А Западот само става пречки во тркалата. Еве, и владата на Бугарија, добивајќи команда од Вашингтон, саботира”, продолжува тој. Пратеникот додаде дека “за руските авиони веќе се пронајдени други коридори и  правци, но патот на конфронтација со Русија, по кој тргна официјална Софија, нема да донесе никаква полза на бугарскиот народ”. Левичев вели ако се вратам и назад во историјата: “Во XIX век токму Русија ги ослободи балканските народи од власта на Османлиската империја и помогна во создавањето на бугарската државност. Очигледно е дека владата на Бугарија има кратка меморија. Затоа пак кај Русите таа е добра”, заклучува заменик-претседателот на Думата, цитиран од агенциите.