Пандемијата на коронавирус може да заврши за шест месеци според најоптимистичното сценарио или за една година според песимистичкото, изјави денеска заменик директорот за клинички и аналитички работи на рускиот Централен научен истражувачки институт за епидемиологија, Наталија Пшенична.
Според неа, во април минатата година, научниците дадоа предвидувања засновани на математички пресметки и предупредија дека епидемијата ќе трае најмалку 18 месеци или две години, а тие предвидувања се исполнети досега, пренесува Тасс.
„Според оптимистичкото сценарио, пандемијата може да трае уште шест месеци. Најпесимистичкото сценарио предвидува дека пандемијата ќе заврши за околу една година“, рече Пшенична.
Таа повтори дека иднината на пандемијата зависи од однесувањето на луѓето, односно од почитувањето на пропишаните норми на однесување.