Нов Зеланд усвои закон за постепено укинување на пушењето цигари

Парламентот на Нов Зеланд денеска усвои единствен закон за постепено укинување на пушењето цигари, со воведување забрана за младите да ги купуваат.

Според законот, цигари не смеат да се продаваат на луѓе родени на или по 1 јануари 2009 година, пренесува АП.

Со новиот закон се намалува и бројот на продавници за тутун, од околу 6.000, на само 600, а се намалува и дозволената количина на никотин во тутунот кој се пуши.