Олимписките игри во Париз „треба да чинат“ меѓу 3 и 5 милијарди евра јавни средства, изјави во вторникот претседателот на француската стопанска комора, Пјер Московиси, цитиран од АФП.
„Се уште не ја знам цената за Олимписките игри“, изјави Московиси. „Канцеларијата на ревизорот ќе направи ревизија по нивното завршување. Тоа треба да чини 3, 4, 5 милијарди евра. Ќе видиме, но тоа нема да има огромно влијание врз долговите“, изјави тој за радио „Франс Интер“.
Досега Пјер Московиси се повикуваше на сумата од 3 милијарди за Игрите. Во 2023 година буџетските документи покажуваат јавни инвестиции во износ од 2,44 милијарди евра, од кои 1,3 милијарди од државата и уште 260 милиони од Париската комуна.
Сепак, конечната фактура засега не може да се предвиди, бидејќи не се познати сите трошоци. Покрај овие, на полицајците им е додаден и бонус од 1.900 евра, со што фактурата ќе „дополни“ со уште 500 милиони европска валута.
Сегашната фактура на Олимписките игри – вкупно државни и приватни пари – е околу 9 милијарди евра.
Организацискиот одбор има буџет од 4,4 милијарди, кој е составен од 96% од приватни извори на средства. На тоа се додава буџетот на „Солидео“ – компанијата задолжена за изградба на олимписката инфраструктура, кој е околу 4,4 милијарди, од кои 1,7 милијарди се јавни средства.
Неодамна, Организацискиот одбор побара од регионот „Ил де Франс“ да го преземе превозот на околу 200.000 акредитирани за Олимписките игри (натпреварувачи, службеници, новинари), кој ќе чини нешто помалку од 10 милиони евра.