Роднина на кралицата Елизабета Втора денеска беше осуден на десет месеци затвор откако извршил полов напад врз жена во неговиот средновековен замок во Шкотска.
Сајмон Баус-Лион (34), грофот од Стратмор, признал дека нападнал жена во спалната соба во замокот Гламис во февруари 2020 година, објави АП.
Баус-Лион ја признал вината, велејќи дека се чувствува „многу засрамен од своите постапки, кои предизвикале непријатност кај гостинката во неговиот дом“.
– Не мислев дека сум способен да се однесувам на тој начин, но морам да се соочам со последиците и да преземам одговорност – изјави грофот.
Тој денес беше осуден од судот во Данди.
Замокот Гламис, близу Данди во централна Шкотска, е дом од детството на покојната мајка на кралицата, која е родена под истото презиме, Баус-Лион.