Новите безбедносни мерки воведени во живеалиштето на мечка во зоолошката градина во Сент Луис, САД, не беа доволни за да се спречи неговиот авантуристички дух.
Откако претходно побегна од живеалиштето на 7 февруари, четиригодишниот Бен повторно се искраде надвор во четвртокот попладне.
Андските мечки можат да се најдат само во Јужна Америка, но се загрозени поради загубата на живеалиштата и ловокрадството.
Бен сега е вратен во зоолошката градина откако слободно шетал 50 минути.
Кога побегнал претходниот пат, ја пробил металната жица што го оградувала неговото живеалиште „со олабавување на жицата и успеал да излезе“, велат од зоолошката градина.
Вработените во зоолошката градина „дополнително го обезбедија живеалиштето со додавање штипки од нерѓосувачки челик кои можат да издржат товар од повеќе од 200 килограми“, но се разбира тоа „не беше доволно за Бен“.
Кога уште еднаш тајно излегол, била активирана процедурата за одговор при итни случаи и тој бил вратен на безбедно за нешто помалку од еден час, колку што траела операцијата „од почеток до крај“.
Тоа беше направено побрзо отколку кога Бен избега првиот пат, акцијата тогаш траеше час и половина.
Зоолошката градина вели дека знае дека Бен е „млад и авантурист“ и дека ќе продолжи „да бара други начини за обезбедување на живеалиштето“.